படப்பிடிப்பு தளத்திற்கு திடீர் விசிட் அடித்த ஷங்கர்

தமிழில் கடந்த 2001-ம் ஆண்டு வெளியான ‘ஆனந்தம்’ படம் மூலம் இயக்குனராக அறிமுகமானவர் லிங்குசாமி. இதையடுத்து ரன், பையா, சண்டக்கோழி என பல்வேறு ஹிட் படங்களை கொடுத்து முன்னணி இயக்குனராக உயர்ந்தார். 

இவர், தற்போது தெலுங்கில் ராம் பொத்தினேனி நடிக்கும் படத்தை இயக்கி வருகிறார். இப்படத்தில் கீர்த்தி ஷெட்டி ஹீரோயினாக நடிக்கிறார். தேவி ஸ்ரீ பிரசாத் இப்படத்திற்கு இசையமைக்கிறார்.

அதிரடி ஆக்‌ஷன் படமாக தயாராகி வரும் இப்படத்தின் படப்பிடிப்பு சமீபத்தில் தொடங்கி விறுவிறுப்பாக நடைபெற்று வருகிறது. 

இந்நிலையில் இந்த படப்பிடிப்பு தளத்திற்கு இயக்குனர் ஷங்கர் திடீர் விசிட் அடித்து இருக்கிறார். படப்பிடிப்பை பார்த்த ஷங்கர், அதன்பின் படக்குழுவினருடன் புகைப்படம் எடுத்துக் கொண்டார்.